October 4, 2022

Kryeministri i vendit, Albin Kurti, gjatë ditës së djeshme ka deklaruar se sistemi arsimor kosovar prodhon analfabetë funksionalë të cilët pastaj ose bëhen për asistencë sociale, ose ikin në Gjermani si punëtor krahu.

E kjo deklaratë e Kurtit e thënë publikisht, nxiti reagime të shumta.

Së fundi ka reaguar edhe Korab Blakaj, biznesmen kosovar nga diaspora, i cili e kishte mbështetur Kurtin në zgjedhjet e 14 shkurtit të vitit 2021.

Në një përgjigje për gazetën Nacionale, Blakaj ka theksuar se nuk e ndan të njëjtin mendim me kryeministrin e Kosovës.

Ai ka thënë se rinia kosovare është e aftë për çfarëdo projekti.

Tutje, ai e ka quajtur “asgjëbërës” Kurtin.

“Jo nuk mendoj (që janë analfabetë funksionalë v.j.). Rinia jonë është e aftë për çdo projekt. Me dy fjalë: inteligjenca është në biznis- pollavraxhinjtë asgjëbërës në poste shtetërore!”, tha ai.

Leave a Reply

Your email address will not be published.