December 4, 2022

Këngëtarja e njohur shqiptare, Çiljeta Xhilaga, së fundmi u bë pjesë e një sfilate të modës myslimane që u organizua në Tiranë.Kjo sfilatë bamirëse kishte qëllim promovimin e veshjeve me mbulesë dhe shitjen e tyre, teksa të gjitha të ardhurat prej saj, do t’iu dërgohen fëmijëve me kancer.

Modelja titullare e mbrëmjes ka qenë Çiljeta Xhilaga, e cila i ka mahnitur të gjithë duke u paraqitur me një fustan të bardhë me mbulesë dhe kurorë në kokë.

E pyetur në fund të sfilatës se si ka qenë kjo eksperiencë për të, këngëtarja e hitit “Të dy qajmë të ndarë” tha se shpreson që ta vërë sa më shpejtë havalen në kokë një herë e përgjithmonë.

“Unë uroj ta vë sa më shpejt komplet krejt shaminë, një herë e pergjithmonë. Ndjehem shumë mirë, pa diskutim që po”, ka thëne Çiljeta. Tutje, ajo ka treguar se është një myslimane e devotshme dhe se i praktikon të gjita ritet fetare.

“Unë falem pesë vakte, kam tre vjet. Kam ndjerë paqe shpirtërore me veten time dhe më janë plotësuar shumë dua(lutje) kur i lutem Zotit”, ka shktuar më tej këngëtarja, transmeton Telegrafi.

Leave a Reply

Your email address will not be published. Required fields are marked *