October 4, 2022

Aktori i njohur i humorit, Irgen Çela ka reaguar për ndarjen nga jeta në mënyrë tragjike të kolegut të tij, Florind Belliu, i cili i dha fund jetës duke u hedhur nga pallati ku jetonte në Nju Jork bashkë me gruan e tij.

Çela në një postim në Instagram shfaqet i pikëlluar dhe shkruan se nuk do t’i harrojë kurrë kujtimet që ka me 35-vjeçarin, i cili kishte pasion aktrimin.

“Ma copëtove zemrën shoku im i shtrenjtë. Nuk e besoj që ike kështu bashkë me Ornelën. Nuk më besohet që po bëj këtë status për ty .

Je i ngulitur në mendjen time dhe zemrën time për gjith ato kujtime të bukura që kemi bashkë dhe pasionin që ndanim për aktrimin.

Ju shkoftë Shpirti në paqe të dyve shoku im i shtrenjtë dhe Zoti i dhëntë forcë familjes tënde në këto momente të vështira”, shkruan aktori Çela.

Më herët, miqtë e 35 vjecarit shprehin dhimbjen nëpërmjet mesazheve të tyre në rrjetet sociale, duke ngushëlluar prindërit e çiftit, të cilët ishin prindër të dy fëmijëve.

Belliu ne një interviste te dy viteve me pare tregonte se kishte nisur të shkruante dy libra, njërin me synim për skenar filmi dhe kërkonte që ta prezantonte tek Netflix.

“Kam nisur dy libra, jam duke i shkruar. Janë dy histori, i kisha lënë përgjysmë për shkak të angazhimeve familjare, por edhe financiare.

Janë dy histori të ndryshme, njëra është komedi dhe tjetra dramë. Njërën po e shkruaj për të qenë një skenar filmi. Kam dëshirë ta paraqes tek Netflix, ky është qëllimi ta çoj atje.

Nëse nuk arrihet, do bëj një vetëfinancim dhe do ta shes”, ka treguar Florind Belliu në një intervistë dhënë dy vite më parë për Premium Channel.

Leave a Reply

Your email address will not be published.