Poeti dhe ish-luftëtari i UÇK-së, Ali Geci, në 20 vjetorin e vdekjes së luftëtarit Bajram Mazrekaj ka postuar një dedikim prekës, shkruan Gazeta Demos.
Geci ka shkruar se Mazrekaj qëndroi i pa mposhtur përball armiqve. Ai e kujton atë si luftëtarë që ishte edhe atdhetarë, por, edhe stoik.
“Sot u bënë 20 vite pa bashkëveprimtarin dhe bashkëluftetarin e lirisë Bajram Mazrekaj, i cili tërë jetën qëndroj i pa mposhtur para armiqve. Gjithmonë ishte në ballë prej një atdhetari në luftë dhe demostratë pra ishte një shkëmb i veçantë që stoicizmin e tij se tundin fare stuhitë. Qoftë i përjetshëm kujtimi për Bajram Mazrekaj”, ka shkruar Geci në facebook.
Poezia që Geci ia kushtoi Mazrekajt titullohet “Kur marshon funerali i dhëmbjes”.
Poezia e plotë:
KUR MARSHON FUNERALI I DHEMBJES
Kur marshon funerali i dhembjes
Dikush e di se kur dikush e di
Përse vetëm dhembja i qan dilemat
E klithjet tua moti i lidhin plagët
Sa herë ke buzëqeshur
Gemzat e faqeve tua lidhin një rrap shekulli
Aty ku gjithnjë i vriste furtuna
Emblemë qëndrese mbi fole
Brez pas brezi atllarëve duke ua numëruar binxhinjtë
Me ty ose pa ty në festivalin e dhembjes
Duke numëruar klithjet dhe buzëqeshjet
Po përshëndetemi për herë të fundit
O Bajram Mazrekaj
